Li tchin.ne dès tèris, lès grossès  rukes d’èle têre d’ouyeûs

Avé con’chance dè l’biaté clapante di s’payisâdje kerdjî d’istwère au keûr di l’Europe? Nos vos bourons au cu a discouvru li tchin.ne dès tèris "lès grossès rukes d’èle têre d’ouyeûs » en payis walon.

Esqui di-dins vo vikérîye, vos avèz dèdja router sul lune en d’mèrant sul têre? E bèn di-dins l’tchin.ne dès tèris c’ès t a pau près çoula! Vos plèz griper dès gripètes vos amwin.nant à des panoramas ki vos n’pouvèz nèn vos rinde conte! Droci in lac. Drola d’èl marache. Dès bosses, dès fosses. Vos pouvèz co monter dès tèris à terrasses què l’tins a mod’lèz, creusèz pou dè fé dès basses d’euwe èyèt min.me dès ètangs rimpli di vîye. Crèwèz-m ètou, li têri djômiye èn’ aute djaleûr, i fét pus doûs, brotchant insi ène écologie pus ritche èyèt quandjante d’ène pîd-sinte à l’aute. Li tchin.ne dès tèris, rèn qu’d’èl powésîye, rèn qu’du bouneûr. A pîd, en vélo èt co à tch’fau vos vikrèz ène aute monde su vo planète à sakantè mète di vo maujo.

Li tchin.ne dès tèris trivièrse èle Walonîye ètire. Di Bernissau à Herve. Du Borinâdje, Mons, La Louvière, Binche, èl grand Châlerwè, èl basse-sambe èyèt l’grand lidje. Li tchin.ne dès tèris, c’èst 1200 tèris d’ssus 200km au triviès dès trwès Vallées d’èl Haine, d’èl Sambe èt d’èl mouse. 11000 pus’ scaver pa l’suweû di nos ouyeûs. Dès cintènes di mile  pindint 8 sièkes.

Li tchin.ne dès tèris c’èst ètou drola què v’nuye au djou "el révolution industrielle" qu’a quandjî l’visâdje di no monde. Li tchin.ne dès tèris c’èst s’pourmwin.ner d’ssus in patrimwène mondial. C’ès t-a s’contoû qu’on a vèyu v’nu 60 nationalitès di travayeûrs. Li labeûr !Li peû du perfond d’èl fosse !Li courâdje dès gueuyes nwèrs on d’nè dès valeûrs  di tolérence, di pougnîyes di mwin, di côp di spales ki sont co bèn vikantes à nos djous. Li tchin.ne dès tèris c’ès t-ène tour di babel... Lès ouyeûs d’Europe, du Magreb èt co d’Anatolie on lèvè Li tchin.ne dès tèris à l’mémwère dès cèns ki  n’on pus  vèyu l’djoû. Li tchin.ne dès tèris c’èst dès imâdjes , dès sinteûs d’in aute  vikérîye …

C’èst çoula ki lès visiteûrs  rèspir’ront  tout au lons di leûs pourmwin.nâdes.A discouvru !

(Version l’ouest Wallon de Michel Robert, patron du Restaurant-Pizzeria "Le Sambre et Meuse")

Fédération de la Chaîne des Terrils
Bureau des Guides
Ferme des Castors
B - 6250 Aiseau
Mobile: +32(0)498.04.30.68
E-mail: contact@terrils.be